Sie sind hier

"Trachtenmode"

Gedicht von Johanna Neuteufel!

A Trachtenwesten war scho lang mei Gusta

mit Lückerl - oder Zopferlmusta,

und selber gstrickt, des macht a Freud.-

Vor kurzem bin i in der Stadt drin gwesen

und hab wo "Trachtenmode" gsehn,

Nix wia eine durt, dann hab i gsehn,

mei Traummodell, ja, es des Schön!

Dahoam hab i voll Begeisterung

dem Meinign zoagt mei Eroberung.

Der Moant: "Ja, s Muster war net schlecht,

aber d Farb, de gfallt mir net so recht."

"Geh", sag i, "i finds grad schick,

und s machert a net extra dick!"

"Altrosa is des," erklär eahm s i -,

da lacht er, "Ja, dann paßts für di!"

Des hat man dann von dera Gschicht,

am Besten ists, ma fragt eahm nicht!

Jetzt wär a Trachtendrindl halt für mi

grad no des Tüpferl aufm i.

Aber s muaß was sein mit Tradition,

a Tracht aus unserer Region.

Da liegt im Postkastl a Prospekt!

Werbung im schönsten Waldviertler Dialekt!

A "Mega shopping weekend" preisens an

im "Trachtenoutlet" Hoaningstoan!

Und weil i sowas habn will glei und jetzt,

hab i mi halt ins Auto gsetzt,

und bin ins Waldviertel gezischt,

und hab a Schnäppchen glei derwischt!

A Dirnl minus 70 % und wunderschee!

Daham, wia i vorm Spiagel steh,

hat mi der Meinige derblickt,

und hat an Lachanfall glei kriagt.

Naja, so a Kittel tragt halt auf,

ma is halt runder uman Bauch!

Und wegn was des grad a Schnäppchen war,

des war mir jetztn a schon klar,

denn s anziagn is a Katastrofe!

Mitn Zipp kann man des nur verschliaßen

unter der Irxen, net zum Derwischen!

Daß i mi aber nimmer ärgern muaß

mit dem vermaledeiten Zippverschluß,

hab is im Kasten tiaf versteckt,

und mir a Sierndorf-Dirndl zugelegt,

des traditionsbewußte junge Frauen

in vielen Stunden,

für alle, die s gern tragn, erfunden.

Und so schaut d Sierndorfer Tracht jetzt aus,

den Erfinderinnen viel Applaus!

Herzlichen Dank